संभाजी भाजी ब्रिगेड चा दणका…
हर हर महादेव चित्रपटातील वादग्रस्त दृश्य आणि प्रसंगाबाबत संभाजी ब्रिगेडने आक्षेप घेतला होता. छत्रपती शिवाजी महाराज, बाजीप्रभू देशपांडे, सरदार कृष्णाजी बांदल यांच्याबाबत अतिशय चुकीचा आणि आक्षेपार्ह इतिहास मांडला होता. या विरोधात संभाजी ब्रिगेड ने पुण्यातील चित्रपटगृह बंद पाडली होती. तसेच आक्रमक भूमिका सुद्धा घेतली होती.
संभाजी ब्रिगेडचे अध्यक्ष अॕड. मनोज आखरे साहेब यांच्याशी सविस्तर चर्चा करून त्यांच्या मार्गदर्शनाखाली… हर हर महादेव चित्रपटाच्या विरोधात संभाजी ब्रिगेड च्या माध्यमातून आम्ही ‘सेन्सर बोर्ड’ यांच्याकडे सुद्धा तक्रार केली होती. तसेच आक्षेपार्ह प्रसंग बाबत वकिलांमार्फत नोटीस सुद्धा पाठवण्यात आली होती. त्या संभाजी ब्रिगेडच्या पाठपुराव्यास यश आले. चित्रपटातील सर्व वादग्रस्त प्रसंग वगळण्याचं ZEE स्टुडिओ आणि हर हर महादेव चित्रपटातील टीमने मान्य केला आहे.
ZEE स्टुडिओच्या मुंबईतील कार्यालयात आज 14 डिसेंबर 2022 रोजी संभाजी ब्रिगेडच्या प्रमुख पदाधिकाऱ्यांची बैठक झाली. संभाजी ब्रिगेडचे महाराष्ट्र प्रदेश संघटक संतोष शिंदे आणि सहकार्याने याबाबत परखड भूमिका घेतली होती. म्हणूनच झी स्टुडिओ आणि संभाजी ब्रिगेडच्या भूमिकेत समर्थन देऊन वादग्रस्त प्रसंग वगळण्याचा निर्णय घेतला.
