पिंपरी – चिंचवड : जेव्हां मेणबत्त्या शिलगावल्या गेल्या तेव्हां उपस्थित शेकडो जणांच्या भावना अनावर झाल्या.
कोरोनासाथीमध्ये दिवंगत झालेल्यांना पिंपरी चिंचवड मधिल नागरिकांना नॅशनल फ्रंट ऑफ इंडियन ट्रेड युनियनचे राष्ट्रीय उपाध्यक्ष तसेच राष्ट्रीय श्रमिक आघाडीचे अध्यक्ष यशवंतभाऊ भोसले यांच्या वाढदिवसानिमित्त श्रद्धांजली वाहण्यात आली. संध्याकाळचे साडे सात वाजले होते. संत तुकाराम नगरच्या परिसरांत शेकडो लोक उपस्थित होते. एवढ्या प्रचंड गर्दीतही परिसरांत निरव शांतता पसरली होती. यशवंतभाऊंनी श्रद्धांजलीसाठी सर्वांच्या हातात असलेल्या मेणबत्त्या शिलगविण्याची विनंती केली. एकसाथ शेकडो मेणबत्त्यांचा प्रकाश पसरला. पण त्या प्रकाशात कोरोना काळात ज्यांचे जीवलग सोडून गेले होते त्यांच्या आप्तांच्या अनावर झालेल्या भावना दिसत होत्या.
या प्रसंगाचे औचित्य होते, महाराष्ट्रातील कामगार नेते यशवंतभाऊ भोसले यांचा वाढदिवस. पण कोठेही रोषणाई नव्हती की, फटाक्यांची अताषबाजी नव्हती. यशवंतभाऊ भोसले यांनी आपला हा वाढदिवस कारोना काळात संत तुकाराम नगर, महेश नगर, एच ए कॉलनी, हाफकीन कॉलोनी, वल्लभनगर तसेच पिंपरी – चिंचवड परिसरांतील जे लोक दगावले आहेत त्यांना समर्पित केला होता.
डोळ्यातून ओघळणारे आसवे कशीबशी रोखत दिवंगतांचे नातेवाईक श्रद्धांजली वाहत होते.
आपला वाढदिवस कोरोना काळातील दिवंगतांना समर्पित करणारे यशवंतभाऊ भोसले हे महाराष्ट्रातील एकमेव कामगार नेते आहेत. या वाढदिवसाच्या निमित्ताने संपूर्ण परिसरांत वाढदिवसाची फ्लेक्सबाजी करण्याऐवजी यशवंतभाऊंनी दिवंगतांची छायाचित्रे असलेले आदरांजलीचे फ्लेक्स लावले होते. हा संपूर्ण परिसर भाऊंचा वाढदिवस असतानाही दिवसभर भावनाविवश झालेला दिसला. यावेळी जन समुदायासमोर बोलताना यशवंतभाऊ भोसले म्हणाले की, कोरोना काळात दगावलेले हे सर्वजण माझे आहेत. माझ्या कुटुंबातीलच सदस्य आहेत. या प्रत्येकाच्या सुखदुःखात मी गेली पस्तीस वर्षे सातत्याने सहभागी आहे. यामुळेच या सर्वांच्या जाण्यामुळे मी हा वाढदिवस साजरा न करता त्यांना समर्पित करत आहे. दरवर्षी कामगार नेते यशवंत भाऊ भोसले यांना वाढदिवसाच्या शुभेच्छा देण्यासाठी पिंपरी चिंचवड शहरातील हजारो नागरिक आणि कामगार भोसले यांच्या कार्यालयात येत असतात.
मात्र गेल्या 18 महिन्यात कोरोना साथी मुळे माझ्या जवळपासचे कित्येक मित्रमंडळी दिवंगत झाले. अशा वेळी मी वाढदिवस साजरा करणं योग्य होणार नाही. त्यामुळे मी माझ्या वाढदिवसानिमित्ताने कोरोना बळी पडलेल्या शहरातील नागरिकांना सामूहिक श्रद्धांजली वाहण्याचा निर्णय घेतला. अस कामगार नेते यशवंतभाऊ भोसले म्हणाले.
या कार्यक्रमास अ‍ॅम्युनिशियन फॅक्टरी कामगार संघटनेचे अध्यक्ष शशिकांत धुमाळ, स्थानिक नगरसदस्या सौ. सुलक्षणा शिलवंत धर, शशांक इनामदार, उद्योजक अहमद खान, उद्योजक दिपकशेठ पाटील, दिनेश पाटील, चाकण एमआयडीसीतील उद्योजक संघटनेचे अध्यक्ष जयदेव अक्कलकोटे यांच्यासह आदीमन्यावर उपस्थित होते.
