मिरे ॲसेट फायनान्शियल सर्व्हिसेसकडून म्युच्युअल फंड व शेअर्सवरील कर्जासाठी व्याजदरात कपात; नवीन दर १०.२५%
मुंबई, २५ जुलै – मिरे ॲसेट सर्व्हिसेस (इंडिया) प्रायव्हेट लिमिटेड या नॉन-बँकिंग फायनान्स कंपनीने म्युच्युअल फंड युनिट्स आणि शेअर्सवर दिल्या जाणाऱ्या कर्जावरील व्याजदरात २५ बेसिस पॉइंट्सची कपात केली आहे. या निर्णयामुळे, नवीन व्याजदर १०.२५ टक्के इतका करण्यात आला असून तो १ जुलै २०२५ पासून लागू झाला आहे.
कंपनीचे मुख्य कार्यकारी अधिकारी कृष्णा कन्हैया यांनी सांगितले की, “व्याजदर कपातीनंतरचा फायदा ग्राहकांपर्यंत पोहोचवण्याचा निर्णय आम्ही घेतला आहे. पारदर्शकतेच्या आमच्या वचनानुसार, हा लाभ विद्यमान ग्राहकांसह नवीन कर्ज अर्जदारांनाही मिळणार आहे.”
कंपनीच्या या निर्णयामुळे रिटेल म्युच्युअल फंड गुंतवणूकदारांना त्यांची दीर्घकालीन गुंतवणूक कायम ठेवून अल्पकालीन आर्थिक गरजा पूर्ण करण्याचा पर्याय उपलब्ध होणार आहे.
२०२२ मध्ये स्थापन झालेली मिरे ॲसेट फायनान्शियल सर्व्हिसेस ही भारतातील पहिली कंपनी आहे जी म्युच्युअल फंड आणि शेअर्सवर पूर्णपणे डिजिटल पद्धतीने काही मिनिटांत कर्ज देते. कंपनीकडून इक्विटी म्युच्युअल फंड आणि शेअर्सवर रु. १०,००० पासून ते १ कोटीपर्यंत, तर डेट म्युच्युअल फंडांवर ३ कोटी रुपयांपर्यंत कर्ज देण्यात येते. या प्रक्रियेसाठी कोणत्याही तिकिटाच्या आकारावर एकच व्याजदर लागू होतो.
कंपनीच्या म्हणण्यानुसार, आकर्षक व्याजदरामुळे आता अधिकाधिक किरकोळ गुंतवणूकदार या कर्ज सेवा निवडू लागले आहेत, जेणेकरून त्यांच्या दीर्घकालीन गुंतवणूक उद्दिष्टांवर परिणाम न होता तात्पुरत्या गरजा पूर्ण करता येतील.
