भारताच्या मनोरंजन आणि लाइफस्टाईल क्षेत्रात क्रांती घडवणाऱ्या कंट्री क्लब हॉस्पिटॅलिटी अँड हॉलिडेज लिमिटेड (CCHHL) ने आपल्या प्रवासात नवा मैलाचा दगड गाठला आहे. तब्बल ₹६०० कोटींच्या प्रचंड कर्जातून मुक्त होत कंपनीने अधिकृतपणे ‘शून्य कर्ज’ (Zero Debt) संस्था बनण्याचा ऐतिहासिक टप्पा पार केला आहे. आर्थिक स्थैर्य आणि नफ्याच्या नव्या युगात प्रवेश करत कंट्री क्लब आता देशभरातील फ्रँचायझी विस्ताराच्या माध्यमातून आपल्या कार्याचा व्याप वाढवणार आहे.
या नव्या ऊर्जेसह कंट्री क्लबने आशियातील सर्वात मोठ्या नववर्ष सोहळ्याची घोषणा केली आहे. ‘WAR OF DJ’s’ या थरारक थीमवर आधारित हा सोहळा ३१ डिसेंबर २०२५ रोजी पुण्यातील कंट्री क्लब, उंद्री येथे तसेच देशभरातील शाखांमध्ये एकाच वेळी साजरा करण्यात येणार आहे. या भव्य कार्यक्रमात भारतातील नामांकित DJs, लाईव्ह म्युझिक बँड्स आणि डान्स ट्रूप्स सहभागी होऊन प्रेक्षकांना मनोरंजनाचा मंत्रमुग्ध अनुभव देतील. “कंट्री क्लबचा प्रत्येक उत्सव हा आनंद आणि एकतेचा सण असतो. आमचे सदस्य आणि पाहुणे हा सोहळा कुटुंबासोबत, आठवणीत राहील अशा वातावरणात साजरा करतील,” असे कंपनीचे अध्यक्ष आणि व्यवस्थापकीय संचालक श्री. वाय. राजीव रेड्डी यांनी सांगितले.
आपल्या उच्च प्रतीच्या लाइफस्टाईल अनुभवांच्या पोर्टफोलिओला बळकटी देत कंट्री क्लबने आता पुण्यातील लोकप्रिय वन8 कम्यून (One8 Commune) सोबत हातमिळवणी केली आहे. या सहकार्यातून फाईन डायनिंग, प्रीमियम इव्हेंट्स आणि क्लब संस्कृतीचा एकत्रित संगम साधला जाणार असून, सभासदांना आणि पाहुण्यांना अतुलनीय, जागतिक दर्जाचा अनुभव मिळणार आहे. कंट्री क्लब आणि वन8 कम्यूनची ही भागीदारी पुण्याच्या सामाजिक आणि खाद्यसंस्कृतीला एक नवी दिशा देईल, असा विश्वास व्यक्त करण्यात आला आहे.
कंट्री क्लबचे संस्थापक आणि दूरदृष्टीचे नेते राजीव रेड्डी यांनी भारताच्या मनोरंजन विश्वात अनेक ‘पहिल्या’ निर्माण केल्या आहेत. त्यांनी हैदराबादमधील पहिले खासगी सदस्यत्व क्लब स्थापन केले, शहराचा चेहरामोहरा बदलणारा अमृता मॉल उभारला, सेलेब्रिटी मनोरंजनाला सुरुवात करून अनेक कलाकारांना राष्ट्रीय ओळख मिळवून दिली आणि देशातील पहिला स्क्वॉश कोर्ट व हीटेड स्विमिंग पूल उभारून फिटनेस क्षेत्राला नवी दिशा दिली. त्यांच्या नेतृत्वाखाली कंट्री क्लबने केवळ मनोरंजनाचे नव्हे, तर आनंदाच्या जीवनशैलीचे प्रतीक म्हणून स्वतःची ओळख निर्माण केली आहे.
कंट्री क्लब हॉस्पिटॅलिटी अँड हॉलिडेज लिमिटेड बद्दल
१९८९ मध्ये स्थापन झालेल्या कंट्री क्लब हॉस्पिटॅलिटी अँड हॉलिडेज लिमिटेडने भारतात सदस्यत्वावर आधारित विश्रांती, सुट्ट्या आणि मनोरंजन सेवांचा पाया रचला. एका क्लबपासून सुरू झालेला प्रवास आज देशभरातील अत्याधुनिक क्लब्स, आलिशान रिसॉर्ट्स, फिटनेस सेंटर्स आणि ग्लॅमरस इव्हेंट्सच्या नेटवर्कमध्ये रूपांतरित झाला आहे. दोन दशलक्षांहून अधिक सभासदांसह कंट्री क्लब आज ‘हॅपिनेस अ‍ॅज अ सर्व्हिस’ या ध्येयवाक्याने नव्या युगात आत्मविश्वासाने आणि शैलीदारपणे पुढे जात आहे.
